FCSB-nin futbolçusu "Qarabağ"ı oyunun favoriti sayır: "İnanıram ki, sabah gözəl nəticəyə nail olacağıq”

“İkinci dəfədir Bakıya gəlirəm. İnanıram ki, sabah gözəl nəticəyə nail olacağıq”.

Presssport.az xəbər verir ki, bunu FCSB-nin (Rumıniya) futbolçusu Coyskim Dava Bakıda "Qarabağ"a qarşı keçirəcəkləri UEFA Avropa Liqasının oyunundan əvvəl mətbuat konfransında deyib.

Kamerunlu müdafiəçi sabahkı matçda qələbəyə ümid etdiklərini söyləyib: "Əsas işimiz sabahkı oyuna köklənməkdir. "Qarabağ" yerli çempionatda liderdir. Hücumameyilli komandadır. Səfərdə oynadığımız üçün favorit "Qarabağ"dı". 

Xatırladaq ki, Avropa Liqasının Liqa mərhələsinin VII turunun "Qarabağ" - FCSB matçı yanvarın 23-də, saat 21:45-də Tofiq Bəhramov adına Respublika stadionunda keçiriləcək. Turnir cədvəlində Azərbaycan çempionu 3 xalla 33-cü, FCSB 11 xalla 10-cu sıradadı.