"Kadinin ona qarşı kini yoxdu, "Krasnodar"ın çempion olmasını istəyir"

"Krasnodar"ın yarımmüdafiəçisi Kadi Borgesin agenti Helsio Alisk açıqlama verib.

Presssport.az xəbər verir ki, “Qarabağ”a qayıdacağı iddia edilən braziliyalı yarımmüdafiəçinin hazırkı komandasında sabiq baş məşqçi Vladimir İviçin dövründə çox oynamadığı üçün ona kini olmayıb.

Bunu Helsio söyləyərək Kadinin İviçə qarşı kin-küdurətinin olmadığını vurğulayıb: "Bəli, onun dövründə Kadi az oynadı. Amma həmişə meydana böyük həvəslə daxil olub. Hamı "Krasnodar"ın çempion olmasını istəyir. Kadi də hazırdır".

Qeyd edək ki, Kadi 2023-cü il yanvarında 5 milyon avro qarşılığında "Qarabağ"dan "Krasnodar"a keçib.