“Qarabağ” - “Səbail” oyununun biletləri satışa çıxır

Premyer Liqanın XXIX turunda keçiriləcək “Qarabağ” - “Səbail” qarşılaşmasının biletləri bu gün saat 12:00-dan etibarən iticket.az-da satışa çıxarılacaq.

Presssport.az klubun mətbuat xidmətinə istinadən xəbər verir ki, biletlərin qiyməti sektorlara uyğun olaraq 3, 7 və 15 manat təşkil edir.

Biletlər iticket.az-da onlayn, həmçinin oyun günü Tofiq Bəhramov adına Respublika stadionunun kassalarında da satışda olacaq.

Xatırladaq ki, aprelin 6-da keçiriləcək “Qarabağ” - “Səbail” oyunu 20:00-da start götürəcək.