Azərbaycan klubu portuqaliyalı qapıçı transfer edir

Premyer Liqaya qayıdan “Şamaxı” heyətinə əcnəbi qolkiper cəlb edir.

Presssport.az xəbər verir ki, bölgə təmsilçisi Rikardi Fernandeslə anlaşmaq üzrədi.

Hazırda tərəflər danışıqların son mərhələsindədi. 29 yaşlı qapıçının Portuqaliyanın II Liqa təmsilçisi “Torreens” ilə müqavilə müddəti bu ayın sonunda başa çatacaq.

Onu da bildirək ki, Rikardi karyerası ərzində “Belenenseş”, Oliveyrense”, “Anadiya”, “Fafe”, “Famalikao”, “Santa Klara” klublarının qapısını qoruyub.