Güləşçimiz dünya çempionatında bürünc medal qazanıb

Azərbaycanın yunan-Roma güləşçisi Nihad Quluzadə Albaniyanın paytaxtı Tiranada keçirilən U-23 dünya çempionatının bürünc medalını qazanıb.

Presssport.az xəbər verir ki, 60 kq çəki dərəcəsində mübarizə aparan təmsilçimiz 3-cü yer uğrunda görüşdə rumıniyalı Denis Florin Mihai ilə üz-üzə gəlib.

9:0 hesabı ilə qələbə qazanan Quluzadə fəxri kürsünün 3-cü pilləsinə qalxıb.

Xatırladaq ki, mundial oktyabrın 27-də başa çatacaq.