"Şimal" UEFA Regionlar Kubokunda bu gün mübarizəyə başlayır

Azərbaycanın UEFA Regionlar Kubokundakı təmsilçisi “Şimal” bu gün mübarizəyə başlayacaq.

Presssport.az xəbər verir ki, Tural Cəlilovun komandası Gürcüstanın Kutaisi şəhərində təşkil edilən ilkin mərhələnin B qrupunda ilk oyununa çıxacaq. “Şimal” Kutaisi Futbol Akademiyasının meydanında yerli komanda “Football School Bridge” ilə üz-üzə gələcək. Bakı vaxtı ilə saat 19:00-da başlayacaq qarşılaşmanı Monteneqrodanolan baş hakim Miloş Boşkoviç idarə edəcək.

Xatırladaq ki, “Şimal” qrupda 2-ci matçını iyulun 1-də Bakı vaxtı ilə saat 19:00-da İsveçin “Qothenburq” komandasına qarşı keçirəcək.