Statistika nə deyir?

UEFA Çempionlar Liqasında mübarizə aparacaq “Araz-Naxçıvan” ilkin mərhələdə “Uddevalla” (İsveç), “Sillamae Silla” (Estoniya) və “Sparta Belfast” (Şimali İrlandiya) komandaları ilə qarşılaşacaq. 

Presssport.az xəbər verir ki,, 2001-ci ildən bu turnirdə iştirak edən təmsilçilərimizdən heç birinin Estoniya və Şimali İrlandiya klubları ilə qarşılaşmaması maraqlı məqamdı. 

Əvəzində 2 dəfə İsveç çempionu ilə yollar kəsişib. Hər iki dueldə təmsilçimiz “Araz-Naxçıvan” olub. İlk görüş 2008-2009-cü il mövsümündə baş tutub. Böyükağa Hacıyevin rəhbərlik etdiyi komanda “Şkövde” ilə qarşılaşıb. Rəqibini meydana çıxmağa peşman edən təmsilçimiz böyükhesablı qələbəyə sevinib. Amma 2 il əvvəlki duel heç də yaxşı alınmayıb. “Örebro” ilə Bosniya və Herseqovinadakı matç skandinavların qələbəsi ilə yekunlaşıb.
2008/09 (Böyükağa Hacıyev)
Əsas mərhələ (Azərbaycanda keçirilib)
11.09.2008. “Şkövde” (İsveç) – 11:1
2022/2023 (Joze Alesio Da Silva)
Əsas seçmə mərhələ (Bosniya və Herseqovina) 
26.10.2022 Orebro (İsveç) 2:5