Murat Yakın: "Həm futbolçular, həm də millətimiz üçün kədərlənirəm"

“Ağırdı, çox səy göstərdik, şans yaratdıq. İngiltərə yığmasının çox şansı olmadı”.

Presssport.az xəbər verir ki, bunu İsveçrə millisinin baş məşqçisi Murat Yakın Almaniyada təşkil olunan AVRO-2024-ün 1/4 finalında İngiltərəyə qarşı keçirdikləri matçdan sonra deyib.

Türk əsilli isveçrəli mütəxəssis uduzmağa layiq olmadıqlarını söyləyib: “Evə qayıtmağa layiq deyilik, amma həqiqətən fəxr edirəm. İngiltərə də uduzmağa layiq deyildi. Amma kimsə itirməlidi. Həm futbolçular, həm də millətimiz üçün kədərlənirəm”.

Qeyd edək ki, İsveçrə millisi 1/4 finalda İngiltərəyə penaltilər seriyasında məğlub olaraq Avropa çempionatında mübarizəni dayandırıb.