"Sumqayıt"ın rəqibinin qapıçısı: "Konfrans Liqasında oynamaq istədiyimiz formadan hələ də uzağıq"

Macarıstanın "Fehervar" klubunun qapıçısı Balaj Tot "Ayka" ilə yoldaşlıq görüşündə qazanılan qələbəni (3:2) şərh edərkən Konfrans Liqasının II təsnifat mərhələsində “Sumqayıt”la matç öncəsi vəziyyətlərinə toxunub. 

Pressspot.az klubun rəsmi saytına danışan macar qolkiperin fikrincə, "Fehervar" hələ ki ideal formadan uzaqdı: "Yeni baş məşqçi ilə yeni oyun sistemi üzərində işləyirik. İkinci yoldaşlıq görüşümüz olduğunu nəzərə alsaq, heç də pis oynamadıq. Məşqdə etdiyimiz bütün elementləri oyunda tətbiq etməyə çalışdıq. Buna müvəffəq olduq. Lakin Konfrans Liqasında və çempionatda oynamaq istədiyimiz formadan hələ də uzağıq".

Xatırladaq ki, "Sumqayıt" və "Fehervar" arasında matçlar iyulun 25-i və 31-də keçiriləcək.