"Səbail"dən ispaniyalı transfer - RƏSMİ

Yay hazırlıqlarını Türkiyədə davam etdirən "Səbail" heyətinə ispaniyalı futbolçu qatıb.

Presssport.az klubun mətbuat xidmətinə istinadən xəbər verir ki, “dənizçilər” son olaraq Bolqarıstan təmsilçisi “Etır”da çıxış etmiş Qorka Laruçça ilə 1 illik müqavilə imzalayıb.

31 yaşlı dayaq yarımmüdafiəçisi paytaxt təmsilçisində “8 nömrə”li formada çıxış edəcək.

Xatırladaq ki, “Səbail” yay fasiləsində Fərid Nəbiyev, Nihat Quliyev, Vüsal Məsimov, şimali makedoniyalı Amir Bilali və ukraynalı Dmitri Litvini heyətinə cəlb edib.