Juninyonun "Sevilya"ya keçidi tamamlanmaq üzrədi - transfer qiyməti də açıqlanıb

"Qarabağ"ın futbolçusu Juninyo Olavionun "Sevilya"ya transferi tamamlanmaq üzrədi.

Presssport.az xəbər verir ki, artıq klublar arasında razılıq əldə olunub. 

Bu barədə İspaniya mətbuatı məlumat yayıb.

Belə ki, 28 yaşlı braziliyalı hücumçunun La Liqa klubuna keçidi 3-3,5 milyon avroya başa gələcək. 

Xəbərdə o da qeyd olunub ki, "Sevilya" Juninyonun transferi ilə bağlı "Qarabağ"la bəzi detallar istisna olmaqla anlaşıb.

Futbolçu Əndəlüsiya təmsilçisinin La Liqanın X turu çərçivəsində yanvarın 12-də "Valensiya" ilə keçirəcəyi oyuna qədər komandaya qoşulacağı bildirilir.

Xatırladaq ki, "Qarabağ" Juninyonu ötən ilin yayında Portuqaliyanın "Şaveş klubundan transfer edib. "Sambaçı" bu mövsüm Ağdam təmsilçisinin heyətində keçirdiyi 26 rəsmi matçda 10 qol və 3 məhsuldar ötürmə ilə yadda qalıb.