Azərbaycan millisi bu göstəricidə 35-ci oldu

Beynəlxalq Futbol Tarixi və Statistikaları Federasiyası (IFFHS) dünya çempionatlarının seçmə mərhələlərində iştirak edən milli komandaların tamaşaçı reytinqini açıqlayıb.
Presssport.az xəbər verir ki, 57 yığmanın yer aldığı siyahıda Azərbaycan yığması da var.

Belə ki, millimiz 35-ci pillədə qərarlaşıb.
Milli komandanın indiyədək mundialların seçmə mərhələlərində keçirdiyi 66 oyunda orta tamaşaçı sayı 16 376 nəfərə bərabər olub. Bu görüşləri ümumilikdə isə 1 080 817 tamaşaçı izləyib.
Siyahıya İngiltərə yığması başçılıq edir - orta göstərici 51 835.