Əliyar Ağayev Mahir Emrelinin komandasının matçını idarə edəcək

Azərbaycanlı FİFA referisi Əliyar Ağayev UEFA-dan növbəti təyinat alıb.

Presssport.az xəbər verir ki, ədalət təmsilçimiz Konfrans Liqasının 1/8 final mərhələsinin ilk oyunu çərçivəsində baş tutacaq “Dinamo” (Zaqreb, Xorvatiya) – PAOK (Yunanıstan) qarşılaşmasının baş hakimi olacaq. 

Ona Zeynal Zeynalov və Akif Əmirəli kömək edəcəklər. Dördüncü hakim funksiyasını Elçin Məsiyev yerinə yetirəcək. 

Qarşılaşmanın VAR hakimi almaniyalı Saşa Stegemann, onun köməkçisi həmyerlisi Paşal Müller olacaq. Oyunun hakim-inspektoru isə norveçli Terje Houç olacaq.

Sözügedən qarşılaşma martın 7-si saat 00.00-da keçiriləcək.