"Qarabağ"a qol vuran "Bayer"li: "Qələbə qazana da bilərdilər"

"Qarabağ" matça çox yaxşı hazırlaşmışdı. Hətta qələbə qazana da bilərdilər. Çox inamlı oynadılar".

Presssport.az xəbər verir ki, bu fikirləri Avropa Liqasının 1/8 final mərhələsində keçirilən "Qarabağ" - "Bayer" matçından sonra qonaqların yarımmüdafiəçisi Florian Virtz almaniyalı jurnalistlərə açıqlamasında bildirib.

Almaniya millisinin gənc üzvü Ağdam təmsilçisinin ilk hissədə möhtəşəm oyun sərgilədiyini vurğulayıb: "Layiq olduqları 2 qolu vurdular. İkinci hissədə şanslarımızdan istifadə etdik. Son dəqiqələrdə qələbə topunu da vura bilərdik".

Xatırladaq ki, “Bayer”in aparıcı futbolçularından olan Florian 2-ci hissədə meydana çıxıb və vurduğu qolla hesab arasındakı fərqi minimuma endirib.