Millimiz Avropa çempionatına qollu heç-heçəylə başladı

Qadın futbolçulardan ibarət Azərbaycan milli komandası bu gün Avropa çempionatının seçmə mərhələsi çərçivəsində B Liqasının 1-ci qrupunda ilk oyununu keçirib.

Presssport.az verir ki, millimiz Macarıstanın Szeged şəhərindəki "Szent Gellert Forum" stadionunda bu ölkənin yığmaısyla qarşılaşıb. 

Oyun 1:1 hesabı ilə başa çatıb. Komandamızın bərabərlik qolunu 74-cü dəqiqədə kapitanı olan hücumçu Sevinc Cəfərzadə vurub.

Xatırladaq ki, milli komandamız turnirdə növbəti oyununu aprelin 9-da saat 16:00-da "Dalğa Arena"da İsveçrə yığmasına qarşı keçirəcək.