Paraüzgüçümüzdən Portuqaliyada 3-cü medal

Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatında bürünc medal qazanıb.

Presssport.az xəbər verir ki, təmsilçimiz yarışın 4-cü günündə 100 metr məsafəyə sərbəst üzmə üsulunda finalda finişə 3-cü çatıb.

Turnirin ilk günündə Saley 100 metr məsafəyə arxası üstə üzmə üsulunda qızıl, 2-ci günündə eyni məsafəyə kəpənək üzmə üsulunda gümüş mükafata yiyələnib. 

Milli komandanın digər üzvü Vəli İsrafilov isə yarışın 3-cü günündə fəxri kürsünün ən yüksək pilləsinə qalxıb.