Renat Dadaşov qələbədə iştirak etdi və cəzalandı

Türkiyə I Liqasında VI turun oyunları keçirilir.

Presssport.az xəbər verir ki, millimizin futbolçusu Renat Dadaşovun çıxış etdiyi “Ankaragücü” evdə “Sakaryaspor”la qarşılaşıb.

Matç meydan sahiblərinin 2:1 hesablı qələbəsi ilə başa çatıb.

Meydana start heyətdə çıxan Dadaşov 60-cı dəqiqədə əvəzlənib. O, 45+4-cü dəqiqədə sarı vərəqə alıb.

“Ankaragücü” hazırda 9 xalla 8-ci pillədə qərarlaşıb.