Cüdoçumuz Avropa çempionatında finala vəsiqə qazanıb

Xorvatiyanın paytaxtı Zaqrebdə keçirilən Avropa çempionatında Azərbaycanın 2 cüdoçusu bürünc, 1-i isə qızıl medal uğrunda mübarizəni davam etdirir.

Presssport.az xəbər verir ki, yarışın son günündə 90 kq çəki dərəcəsində Elcan Hacıyev finala vəsiqə qazanıb. O, qızıl medal uğrunda Kristian Totla (Macarıstan) görüşəcək.

90 kq çəkidə mübarizə aparan digər təmsilçimiz Murad Fətiyev və Zelim Kotsoyev (100kq) isə yarımfinala qədər irəliləyib. 

Lakin idmançılarımız həlledici mərhələyə gedən yolda uduzduqları üçün bürünc mükafat uğrunda yarışacaq. Fətiyev Laşa Bekauri (Gürcüstan), Kotsoyev isə Maykl Korrell (Niderland) ilə döyüşəcək.