Millimizin baş məşqçisi Belarusa məğlubiyyəti şərh etdi: "Onlar A kateqoriyalı komandadı, biz isə B kateqoriyasında"

Azərbaycanın qadınlardan ibarət futbol yığmasının (U-16) baş məşqçisi Nərgiz Qurbanova UEFA-nın inkişaf turnirinin açılış matçında Minskdə Belarus yığmasına məğlubiyyəti (1:3) şərh edib.

Presssport.az xəbər verir ki, Belarus Futbol Federasiyasının rəsmi saytına danışan Qurbanova yığmanın təcrübə topladığını deyib: "2009-cu il təvəllüdlü qızlarımız ilk dəfə bu səviyyədə turnirdə çıxış edir. Bu, bizim üçün böyük təcrübədi və Belarusla görüşməyimiz çox xoşdu. Çünki bu, A kateqoriyalı komandadı, biz isə B kateqoriyasında. Bu mənada, qızların təcrübəli komandaya qarşı oynamaq və onları görmək imkanı var".