Azərbaycan həndbol çempionatında ilk medalçı bəlli olub

Kişi həndbolçuların Azərbaycan çempionatında sonuncu - XX tura start verilib.

Presssport.az xəbər verir ki, ilk oyununda “Azəryol” və “Qarabağ” üz-üzə gəlib.

Bürünc medalların taleyinin həll olunduğu görüşə turnir cədvəlində rəqibi 2 xal qabaqlayan “Azəryol” daha rahat çıxıb. Belə ki, nominal ev sahibini 1 xal da qane etdiyi halda, “Qarabağ” mütləq qələbə qazanmalı idi.

Yekunda 37:35 hesabı ilə qalib gələn “Azəryol” yubiley - 30-cu çempionatının bürünc medallarına sahib çıxıb.