II Liqada çempion da bəlli oldu, sonuncu pillənin sahibi də

II Liqada mövsümün qalibi bəlli olub.

Presssport.az xəbər verir ki, "Bakı Sportinq" bu gün XXV turda öz meydanında “Dinamo”ya 4:2 hesabı ilə qalib gələrək sona 1 tur qalmış çempionluğunu rəsmiləşdirib.

Elman Sultanovun komandası xallarını 61-ə çatdırıb və ən yaxın izləyicisi "Füzuli"ni 5 xal qabaqlayır.

Bu gün həmçinin, "Füzuli"yə 2:7 hesabı ilə uduzan "Kürmük Qax"ın mövsümü sonuncu pillədə başa vuracağı dəqiqləşib. Bununla da adıçəkilən komanda Region Liqasına düşüb.

Xatırladaq ki, reqlamentə əsasən II Liqanın qalibi yeni mövsümdən I Liqada çıxış etməlidi.

I Liqada sonuncu olacağı dəqiqləşən “Araz Saatlı” yeni mövsümdən II Liqada oynayacaq.