AVRO-2024: Günə Fransa - Niderland qarşılaşmasıyla yekun vurulacaq

Almaniyada keçirilən AVRO-2024-də bu gün qrup mərhələsinin II turunun növbəti oyunları baş tutacaq.

Presssport.az xəbər verir ki, günün ilk qarşılaşması Slovakiya və Ukrayna yığmaları arasında baş tutacaq. Slovaklar E qrupunun ilk matçında Belçikaya qalib gəlməklə (1:0) turnirin hələ ki ən sürpriz nəticəsində imza atıbsa, ukraynalılar Rumıniyaya böyük hesabla məğlub olub.

D qrupunun ilk oyununda Polşa və Avstriya milliləri münasibətlərinə aydınlıq gətirəcək. I turda Polşa Niderlanda (1:2), Avstriya isə Fransaya (0:1) yenilib.

Bu qrupun Niderland - Fransa qarşılaşması günün son və ən maraqla gözlənilən oyunu olacaq. 

21 iyun

II tur

E qrupu

17:00. Slovakiya - Ukrayna

Baş hakim: Maykl Oliver (İngiltərə).

Düsseldorf. "Esprit Arena".

D qrupu

20:00. Polşa - Avstriya

Baş hakim: Halil Umut Meler (Türkiyə).

Berlin Olimpiya Stadionu.

23:00. Niderland - Fransa

Baş hakim: Entoni Teylor (İngiltərə).

Leyptsiq. "Red Bull Arena".