AVRO-2024-də son 1/4 finalçılar müəyyənləşir: Türkiyə yoluna davam edəcək?

Almaniyada təşkil olunan AVRO-2024-də bu gün 1/8 final mərhələsinə yekun vurulacaq.

"Report" xəbər verir ki, baş tutacaq 2 qarşılaşmadan sonra 1/4 final mərhələsinin bütün iştirakçılarının adına aydınlıq gələcək.

Günün ilk matçında E qrupunu lider tamamlayan Rumıniya ilə D qrupunun 3-cüsü Niderland millisi qarşılaşacaq. 

Digər qarşılaşmada isə D qrupunu 1-ci sırada başa vuran Avstriya və F qrupunda 2-ci pilləni tutan Türkiyə yığmaları münasibətlərinə aydınlıq gətirəcək. 

2 iyul

20:00. Rumıniya - Niderland

Baş hakim: Feliks Şvayer (Almaniya).

Münhen. "Alyans Arena".

23:00. Avstriya - Türkiyə

Baş hakim: Artur Diaş (Portuqaliya).

Leyptsiq. "Red Bull Arena".