AFFA "Səbail-2"yə texniki məğlubiyyət verib

"Səbail"in əvəzedici komandası texniki məğlubiyyətlə (0:3) cəzalandırılıb.

Presssport.az xəbər verir ki, bu barədə AFFA İntizam Komitəsinin iclasında qərar qəbul edilib.

Bu cəzaya “Səbail-2”nin Əvəzedicilər Liqasının I turunda "Zirə-2" ilə oyunda limiti pozması səbəb olub. Klub texniki məğlubyyətlə yanaşı, 400 manat cərimələnib.

Xatırladaq ki, avqustun 5-də baş tutan həmin görüş "Səbail-2"nin 0:3 hesablı məğlubiyyəti ilə başa çatıb.