"Sabah"ın legioneri Avropada ən yaxşılar sırasında: "Onun zəngin təcrübəsi..."

FİBA Avropa Kubokunun qrup mərhələsi başlamazdan əvvəl yenidən bu turnirdə oynayacaq və uğur qazanmağa çalışacaq 5 basketbolçunu qeyd edib. 

Presssport.az xəbər verir ki, “Sabah”ın mərkəz oyunçusu Klavs Kavars ilk “5-liy”ə daxil olub. 

Dünya ali basketbol qurumu Azərbaycan çempionunun oyunçusu haqda bunu yazıb: “Latviya millisinin üzvü “Sabah”a keçib. Bundan əvvəl 2019/20 mövsümündə “Ventspils”də çıxış edib. 28 yaşlı forvard 11,3 xal və 7,4 ribaundla Latviya yığmasını 1/4 finala çıxarıb. Kavarsın zəngin təcrübəsi "Sabah"a normal mövsümdə ilk dəfə vəsiqə qazanmağa kömək edə bilər".

Xatırladaq ki, “Sabah” yeni avrokubok mövsümünün ilk oyununu bu gün Belçikada yerli “Spiru” klubuyla keçirəcək.