Millimiz qrupda 3-cü yeri tutdu, 1/4 finalda İngiltərəyə rəqib oldu

Azərbaycanın minifutbol üzrə U-23 millisi Xorvatiyanın Malıy Loşin şəhərində təşkil olunan dünya çempionatının qrup mərhələsində sonuncu matçını keçirib.

Presssport.az xəbər verir ki, Çexiyanın müvafiq yaş qrupundan ibarət komandası ilə qarşılaşan Rəcəb Fərəczadənin komandası 0:2 hesabı ilə məğlub olub.

Nəticədə qrupda 3-cü yeri tutaraq 1/4 finala yüksələn yığmamız İngiltərəyə rəqib olub. Sözügedən qarşılaşma bu gün, Bakı vaxtı ilə saat 20:00-da başlayacaq.

Xatırladaq ki, millimiz qrup mərhələsində keçirdiyi ilk oyunda Serbiyaya 1:5 hesabı ilə uduzub, 2-ci görüşdə isə Hindistandan üstün olub - 16:0.