6 cüdoçumuz bu gün "Böyük Dəbilqə"də mübarizəyə başlayır

Azərbaycanın 6 cüdoçusu bu gün Birləşmiş Ərəb Əmirliklərinin paytaxtı Əbu-Dabidə start götürəcək "Böyük Dəbilqə"də mübarizəyə başlayacaq.

Presssport.az xəbər verir ki, kişilərdən Balabəy Ağayev, Hüseyn Allahyarov (hər ikisi 60 kq), Ruslan Paşayev və Rəşad Yelkiyev (hər ikisi 66 kq) tatamiyə çıxacaq.

Qadınlardan Leyla Əliyeva (48 kq) və Acelya Toprak (57 kq) çıxış edəcək.

Xatırladaq ki, turnir oktyabrın 12-də başa çatacaq.