Estoniya millisinin yarımmüdafiəçisi: "Azərbaycanla matçda "1 nömrə"ylə oynamalı, oyuna diqtə etməliyik"

Estoniya millisinin üzvü İoan Yakovlev Millətlər Liqasının C1 qrupunun III turunu Tallində Azərbaycan yığmasına qarşı keçirəcəkləri bugünkü oyun haqda danışıb. 

Pressssport.az xəbər verir ki, federasiyanın rəsmi saytına danışan yarımmüdafiəçi millimizi dəyərləndirib: “Azərbaycan - İsveç oyununa (1:3) baxmışam. Deyə bilmərəm ki, bu, ”2-ci nömrə" kimi oynamalı olduğumuz rəqibdi. Düşünürəm ki, onlarla “1 nömrə”ylə oynamalı, topa nəzarət etməli və oyuna diqtə etməliyik". 

Xatırladaq ki, Estoniya - Azərbaycan matçına  oyuna 20:00-da start veriləcək.