"Şamaxı"nın legionerinə cəza kəsildi

AFFA "Şamaxı"nın fubolçusu Brahim Konateni 1 oyunluq cəzalandırıb.

Presssport.az xəbər verir ki, bu barədə İntizam Komitəsinin bugünkü iclasında qərar qəbul edilib.

Belə ki, Misli Premyer Liqasının IX turunun “Səbail”lə matçının 63-cü dəqiqəsində Konate 2-ci “sarı”dan qırmızı vərəqə alıb. Buna görə də 28 yaşlı fransalı yarımmüdafiəçi 1 oyunda komandasına kömək edə bilməyəcək.

Həmçinin "Şamaxı" futbolçusuna görə 500 manat cərimələnib.

Xatırladaq ki, sözügedən oyunda "Səbail" 2:0 hesablı qələbə qazanıb.