Azərbaycan Kubokunda mərhələ adlayan 2-ci iştirakçı komanda bəlli olub.

Bu gün Azərbaycan Kubokunun I təsnifat mərhələsində daha bir oyun keçirilib.

Pressssport.az xəbər verir ki, günün 2-ci matçında "Şəfa" və “Saatlı-Araz” üz-üzə gəlib.

II Liqa təmsilçilərinin qarşılaşması paytaxt klubunun inamlı qələbəsi ilə bitib. "Şəfa" II təsnifat mərhələsində I Liqq təmsilçisi "Difai" ilə qarşılaşacaq.

Daha əvvəl “Şahdağ Qusar” “Kür-Araz”ı məğlub edərək (3:1), növbəti mərhələdə “Araz-Naxçıvan”a rəqib olub.

Xatırladaq ki, I təsnifat mərhələsinin digər matçları 13-14 oktyabrda gerçəkləşəcək.

Azərbaycan Kuboku

I təsnifat mərhələsi

12 oktyabr (şənbə)
16:30. “Şəfa” – “Saatlı-Araz” - 2:0

Qollar: Elvin Nəsibov, 9, Elçin Rəhimli, 34
Hakimlər: Rövşən Rəcəbov, Rasim Axundov, Nurlan Əhmədzadə, Maqsud Şamıyev
Bakı. “ASK Arena” stadionu