Türkiyə millisində bunu ilk bacaran Montella oldu

Türkiyə millisinin italiyalı baş məşqçisi Vinçentso Montella yığmanın tarixinə düşüb.

Presssport.az Türkiyə mətbuatına istinadən xəbər verir ki, 51 yaşlı italiyalı mütəxəssis “ay-ulduzlular”ın “sükanı arxası”nda ardıcıl 3 ev oyununda qələbə qazanmağı bacaran ilk baş məşqçi olub. 

O, bunu ötən gün UEFA Millətlər Liqasının III turunda Monteneqro ilə Samsunda keçirilmiş matçda (1:0) nail olub.

Türkiyə yığması Montellanın rəhbərliyi altında daha əvvəl evdə keçirdiyi görüşlərdə İslandiya (3:1) və Latviyanı (4:0) məğlub edib.

Xatırladaq ki, B Liqasının IV qrupunda yer alan türklər 3 turdan sonra 7 xalla ilk pillədə qərarlaşıb.