"Azərreyl" Avropa çempionu olub

"Azərreyl" klubunun qadınlardan ibarət komandası Fransanın Monpelye şəhərində keçirilən çimərlik voleybolu üzrə klublararası Avropa Kubokunda çempion olub.

Presssport.az xəbər verir ki, təmsilçimiz həlledici matçda Ukraynanın “Sunrise Beach Spors Academy” klubu ilə üz-üzə gəlib.

İki oyundan birində “Azərreyl" (2:1), digərində isə rəqib (0:2) qalib gəlib. Ardınca baş tutan “qızıl set”də gərgin mübarizədən sonra 15:12 hesabı ilə üstün olan təmsilçimiz yarışın qalibi adını qazanıb.