Samir Abasov “Sumqayıt"dan rəsmən getdi - yeni klubu da açıqlandı

“Sumqayıt” baş məşqçisi Samir Abasovla yollarını ayırıb.

Presssport.az xəbər verir ki, bu barədə klubun rəsmi saytı məlumat yayıb. 

Məlumatda qeyd edilib ki, “Neftçi” ilə əldə olunmuş razılıq və Abasovun şəxsi istəyi əsasında onunla müqaviləyə xitam verilib. 

Təcrübəli çalışdırıcı bundan sonra “Neftçi”də işləyəcək. 

Xatırladaq ki, bu, 46 yaşlı Abasovun “Neftçi”yə 2-ci təyinatıdı. O, 2020-22-ci illərdə “Neftçi”ni çalışdırıb. Mütəxəssis Bakı klubu ilə 2021-ci ildə Azərbaycan çempionu olaraq, bununla da klubun 8 illik həsrətinə son qoyub.