Azərbaycan Voleybol Federasiyası (AVF) 2024/2025 mövsümündə keçiriləcək yarışlarda iştirak edəcək hakimlər üçün seminar təşkil edib.
Presssport.az AVF-nin mətbuat xidmətinə istinadən xəbər verir ki, oktyabrın 20-də Gənclər və İdman Nazirliyinin Voleybol Mərkəzində baş tutan seminara paytaxt və bölgələrdən ümumilikdə 40-a yaxın hakim qatılıb.
Seminar federasiyanın Hakimlər Komissiyasının sədri, beynəlxalq dərəcəli hakim Eldar Zülfüqarov və sədrin müavini, beynəlxalq dərəcəli hakim Zaur Hacıyev tərəfindən keçirilib. Mütəxəssislər iştirakçılara yeni mövsümdə baş tutacaq yarışlar, voleybolda tətbiq edilən yeni qaydalar, həmçinin çelenc sistemi haqqında məlumat verib və onları maraqlandıran sualları cavablandırıb.
Seminarın sonunda hakimlər test imtahanında iştirak edib. Komissiya hakimlərin təyinatını testin nəticələrinə uyğun olaraq həyata keçirəcək. Ölkəmizdə keçirilən bütün yarışlara hakimlər AVF-nin Hakimlər Komissiyası tərəfindən təyin olunur.
Onu da bildirək ki, AVF hər il hakimlərin bilik və bacarıqlarını artırmaq üçün seminarlar keçirir. Yaxın zamanlarda belə seminarlar yenidən təşkil olunacaq.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
