Rövşən Nəcəf birgə səylər nəticəsində hədəfə çatacaqlarına inanır: "Danışılmış oyunlara və qeyri-etik davranışlara görə cəzaları sərtləşdirəcəyik"

"İnanıram ki, birgə səylər nəticəsində hədəflərə çatacağıq. Azərbaycan yalnız qələbələrə layiqdi".

Presssport.az xəbər verir ki, bunu AFFA-nın prezidenti Rövşən Nəcəf milli assosiasiyanın Hesabat Konfransında deyib.

O, Gəncə şəhər stadionu və "İmarət" stadionunda görülən işlərlə bağlı danışaraq, daha sonra AFFA-nın İnkişaf Strategiyası haqqında fikirlərini bölüşüb: "Misli Premyer Liqasında komanda sayının artırılması da önəmli addımdır. Beləliklə, futbolun kütləviliyi artacaq".

AFFA prezidenti onu da deyib ki, danışılmış oyunlardan başqa, futbol ailəsinə yaraşmayan qeyri-etik davranışlara görə daha sərt cəzalar veriləcək: “Bu barədə İcraiyyə Komitəsində müzakirə aparılacağını diqqətə çatdırmaq istərdim. İdman prinsiplərinə zidd olan hərəkətlərin qarşısını almalıyıq”.