Rüstəm Orucov Avropa Cüdo Birliyində idman komissarı vəzifəsinə başlayıb: "Bu, böyük məsuliyyət daşıyır"

Fevralın 24-25-i Latviyanın paytaxtı Riqada keçirilən veteranlar arasında Avropa Kubokunda Olimpiya mükafatçısı Rüstəm Orucov idman komissarı vəzifəsini icra edib. Presssport.az Azərbaycan Cüdo Federasiyasının mətbuat xidmətinə istinadən xəbər verir ki, Orucov tutduğu yeni vəzifə ilə bağlı fikirlərini bölüşüb: “Bu vəzifə böyük məsuliyyət daşıyır. Təcrübəmə əsaslanaraq deyə bilərəm ki, Riqada keçirilən turnir yüksək səviyyədə keçdi. Gələcəkdə də Avropa Cüdo Birliyində fəaliyyətimi davam etdirməyi düşünürəm”.