"Araz-Naxçıvan" futzal üzrə UEFA Çempionlar Liqasının əsas mərhələsində bu gün ikinci matçını keçirəcək.
Presssport.az-ın məlumatına görə, Naxçıvan təmsilçisi Bosniya və Herseqovinanın "Buba Mara" komandası ilə üz-üzə gələcək.
Qarşılaşma Polşanın Qlivise şəhərindəki "Prezero Arena"da, saat 17:30-da start götürəcək.
Görüşü İqor Yaçevic (Latvia), Viktor Çaix (Fransa) və Daniele Dadamodan (San Marino) ibarət hakimlər briqadası idarə edəcək. Matçın "timekeeper"i Dominik Lorke (Polşa), hakim-inspektoru Sven Eyxler (Almaniya), UEFA nümayəndəsi isə Marina Kirilyuk (Ukrayna) olacaq.
Qeyd edək ki, "Araz-Naxçıvan" yer aldığı V qrupda keçirdiyi ilk matçda Macarıstan təmsilçisi "Uypeşt"i 5:4 hesabı ilə məğlub edib. Komanda qrupdakı son matçını oktyabrın 30-da Polşa təmsilçisi "Piast"a qarşı keçirəcək.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
