Bölgə klubu liderlə oyunu boykot etdi

I Liqanın 7-ci turunda bu gün keçirilməli olan “Mingəçevir” - “Şahdağ Qusar” matçı baş tutmayıb.

Presssport.az xəbər verir ki, turnir cədvəlinə başçılıq edən qonaq komanda meydana çıxsa da, ev sahiblərinin futbolçuları matçı boykot edib.

Buna səbəb onların uzun müddətdir maaşlarını ala bilməmələridi. Futbolçular etiraz əlaməti olaraq meydana çıxmaqdan imtina edib.

Beləcə saat 15:00-da başlamalı olan qarşılaşma keçirilməyib. “Mingəçevir”ə texniki məğlubiyyət verilməsi gözlənilir.