"Qəbələ"nin 2 futbolçusu son turda oynamayacaq

“Qəbələ” Premyer Liqanın XXXVI turunun “Sumqayıt”la səfərdə keçiriləcək oyununun hazırlıq prosesini başa vurub. 

Presssport.az klubun mətbuat xidmətinə istinadən xəbər verir ki, "qırmızı-qaralar"ın iki futbolçusu son turun matçında komandaya kömək edə bilməyəcək. 

Belə ki, qanalı cinah yarımmüdafiəçisi Samuel Tetteh komanda ilə hazırlığa qatılmayıb. Hücumçu Ülvi İsgəndərov isə fərdi məşqlə kifayətlənib.

Xatırladaq ki, mayın 25-də Mehdi Hüseynzadə adına Sumqayıt şəhər stadionunda baş tutacaq “Sumqayıt” - “Qəbələ” qarşılaşması saat 19:00-da başlayacaq.