Boks millimiz Avropa çempionatında ilk medalını rəsmiləşdirib

Azərbaycan millisi Bolqarıstanın paytaxtı Sofiyada keçirilən 23 yaşadək (U-23) boksçular arasında Avropa çempionatında ilk medalını rəsmiləşdirib.

Presssport.az xəbər verir ki, yığmamızın heyətində ilk mükafatı Marjona Savriyeva aktivinə yazdırıb.

Belə ki, 50 kq çəkidə mübarizə aparan boksçumuz yarımfinalda Dominika Kuçjevska (Polşa) ilə üz-üzə gəlib. Görüşdə rəqib 4:1 (29:28, 29:28, 30:27, 30:27, 28:29) hesabı ilə qələbə qazandığından Savriyeva Avropa çempionatını bürünc medalla başa vurub.

Onu da bildirək ki, yarımfinal mərhələsində yığmamızın daha 3 boksçusu rinqə çıxacaq.