Qərb derbisinin biletləri bu gündən satışda

Misli Premyer Liqasında XII tura start verəcək Qərb derbisinin - “Turan Tovuz” - “Kəpəz” matçının biletləri bu gündən satışdadı.

Presssport.az xəbər verir ki, bu haqda Tovuz klubunun mətbuat xidməti məlumat yayıb: "Biletləri bu gündən etibarən stadionumuzun kassasından və şəhərin mərkəzində yerləşən satış məntəqəsindən əldə edə bilərsiniz. Qeyd edək ki, 2 AZN-lik biletlərlə yanaşı məhdud sayda olan 5 AZN-lik VİP biletlər də satışdadır.

Oyun 25 oktyabr tarixində, saat 19:00-da Tovuz şəhər stadionunda baş tutacaq.

Hər birinizi komandamıza dəstək olmağa dəvət edirik.

Biletini al, komandana dəstək ol!".