"Sabah"dan Kerjakov variantına münasibət

"Sabah” Aleksandr Kerjakovun baş məşqçi postuna mümkün təyinatı ilə bağlı xəbərə münasibət bildirib. 

Presssport.az xəbər verir ki, klubun mətbuat xidmətinin rəhbəri Elnur Həmidov Rusiya mətbuatının - “Sport24"-ün sorğusunu belə cavablandırıb. 

“Aleksandr Kerjakovun “Sabah”a baş məşqçi təyin olunması ilə bağlı heç bir söhbət olmayıb. Klubumuz onun baş məşqçi postuna namizədliyini nəzərdən keçirmir”.

Xatırladaq ki, fevralın 1-də Murad Musayev "Sabah"ın baş məşqçi postunu tərk edib. Kerjakov hazırda işsiz statusundadır. Onun son iş yeri ötən ilin iyunundan noyabr ayına kimi rəhbərlik etdiyi Serbiya “Spartak”ı olub.