"Sabah"ın legioneri uzun müddətə sıradan çıxıb

"Sabah"ın lüksemburqlu legioneri Vinsent Tilin zədəsi ciddidi.

Presssport.az xəbər verir ki, yarımmüdafiəçi keçən turda "Qarabağ"l səfər matçında aldığı zədəyə görə uzun müddətə sıradan çıxıb.

Belə ki, çarpaz bağlarından xəsarət alan Til 1-2 ay oynamayacaq.

Həmin görüşdə zədələnərək əvəzlənən digər əcnəbi yarımmüdafiəçi - Şarl Marqaritada isə ciddi problem omlayıb. Belə ki, məşqlərə qatılan niderlandlı vinger qorunaraq son anda "Kəpəz"lə ev oyununun protokoluna daxil edilməyib.

"Sabah"ın digər zədəlilərindən qapıçı Nicat Mehbalıyev, yarımmüdafiəçilər - Ayaz Quliyev və ispaniyalı Kristian Sebalyos yüngül məşq edir.