Azərbaycan millisi FİBA reytinqində irəlilədi

Kişi basketbolçulardan ibarət Azərbaycan millisi FİBA-nın yenilənmiş reytinq cədvəlində 13 pillə irəliləyib.

Pressport.az xəbər verir ki, hesabında 80 xal olan yığmamız 160 milli komandanın sıralamasında 105-ci pillədə qərarlaşıb.

Tahir Baxşıyevin komandası fevralda dünya çempionatının seçmə mərhələsi çərçivəsində səfərdə İsveçrəyə 53:72 hesabı ilə uduzub, doğma meydanda Kosovoya qalib gəlib - 87:77. Yığmanın qrupdakı rəqiblərindən İsveçrə (175,6 xal) 62-ci, Kosovo (118,2 xal) 79-cu, İrlandiya (109 xal) 88-ci pillədə yer alıb.