Kloze Emrelinin mümkün debütü haqda: "Əminəm ki, Mahir ən azı yarım saat oynaya biləcək”

"Nürnberq”in baş məşqçisi Miroslav Kloze azərbaycanlı futbolçusi Mahir Emreli ilə bağlı danışıb.

Presssport.az "Bild"ə istinadən xəbər verir ki, almaniyalı 27 yaşlı hücumçunun II Bundesliqanın VI turunda “Herta” ilə qarşıdan gələn - sentyabrın 21-də keçiriləcək oyunda mümkün debütü haqda söz açıb: “Mahirin bu matçda start heyətində yer alıb-almayacağını hələ bilmirəm. Bu, onun üçün hələ tez ola bilər. Amma əminəm ki, Emreli ən azı yarım saat oynaya biləcək”.

Xatırladaq ki, Mahir ötən tur “Ulm 1846”la oyunda iştirak ərizəsində yer alsa da, meydana çıxmayıb.