Xərçəng Skillaçini də bu dünyadan apardı

Dünya futboluna ağır itki üz verib.

Presssport.az xəbər verir ki, İtaliyanın əfsanəvi futbolçularından olmuş Salvatorre Skillaçi 59 yaşında dünyasını dəyişib.

O, bir müddət müalicə olunduğu xərçəng xəstəliyi səbəbindən vəfat edib.

"Toto" ləqəbli Skillaçi 1990-cı ilin dünya çempionatında nümayiş etdirdiyi oyunla italyanlar üçün ikona halına gəlmişdi. Belə ki, p, həmin final mərhələsində 6 qol vuraraq mundialın bombardiri adını qazanmışdı.

İtaliyanın DÇ-1990-da bürün medamı olmasında böyük pay sahibi olan Skillaçi həmin il "Qızıl buts" və FİFA-nın "Qızıl top" mükafatını qazanmışdı.