Çantakias Azərbaycan çempionatlarında bunu bacaran ilk yunan futbolçu oldu

“Zirə”nin futbolçusu Dmitrios Çantakias Azərbaycan çempionatlarında 100-cü oyununu keçirib.

Presssport.az xəbər verir ki, 29 yaşlı yunanıstan müdafiəçinin yubileyi Misli Premyer Liqasının XXV turuna təsadüf edib.

Çantakias “Turan Tovuz”la ev görüşündə (1:1) 90 dəqiqə meydanda olub. O, “Zirə”nin heyətində çıxdığı 100 Premyer Liqa qarşılaşmasında 6 qol vurub.

Dmitrios 2020/21 mövsümündən qəsəbə klubunda çıxış edir. O, Azərbaycan çempionatları tarixində 100 oyun keçirən ilk yunanıstanlı legioner olub.