"Sheki City"dən Qadınlar günündə özəl biletlər

II Liqa təmsilçisi “Sheki City” 8 Mart - Beynəxalq Qadınlar Günündə xanımları diqqətdən kənarda qoymayıb.

Presssport.az xəbər verir ki, bu haqda əyalət təmsilçisinin prezidenti Elgün Hüseynov “Facebook”dakı şəxsi səhifəsində paylaşım edib: “Sheki City” Futbol Clubu olaraq Qadınlar gününə özəl biletlər hazırladıq və gün ərzində oyunçularımız tərəfindən şəhərimizdə yaşayan xanımlara təqdim olunacaq. Dəyərli xanımlarımız martın 31-nə qədər hədiyyəlik biletlərə şəhərimizin 10-dan çox mağazasından və restoranlarından alış-veriş edə,endirimlərdən yararlana bilərlər".

Xatırladaq ki, “Sheki City” liqada növbəti matçını martın 12-də saat 15:30-da Şəki şəhər stadionunda lider “Baku Sportinq”lə keçirəcək.