Cüdo millimiz Tiflisdəki "Böyük Dəbilqə"yə 2 medalla start götürdü

Cüdo üzrə Azərbaycan millisi Gürcüstanın paytaxtı Tiflisdə keçirilən “Böyük Dəbilqə” turnirinin ilk günündə 2 medal qazanıb.

Presssport.az xəbər verir ki, ilk gündə 2 cüdoçumuz bürünc medal qazanıb.

Bunlar Balabəy Ağayevlə (60 kq) Ruslan Paşayev (66 kq). 66 kq çəkidəki digər təmsilçimiz Rəşad Yelkiyev isə 3-cü yer uğrunda dueldə braziliyalı Villian Limaya məğlub olub.

İlk gündə turnirə qoşulan digər 6 cüdoçu medalsız qalıb.

Xatırlada əq ki, martın 24-dək davam edəcək “Böyük Dəbilqə” turnirinə Azərbaycan millisi 9 çəki dərəsində 11 kişi, 4 qadın cüdoçu ilə yollanıb.