"Araz-Naxçıvan"ın zədəli futbolçusu sıraya döndü

Premyer Liqanın XXIX turunda “Kəpəz”lə evdə qarşılaşacaq “Araz-Naxçıvan” hazırlığını davam etdirir.

Presssport.az klubun mətbuat xidmətinə istinadən xəbər verir ki, zədəli olduğuna görə son 2 matçda iştirak etməyən İqor Ribeyro komanda ilə məşqlərə qoşulub.

Braziliyalı müdafiəçinin Gəncə təmsilçisi ilə matçda meydana çıxıb-çıxmayacağı oyun günü məlum olacaq. “Sumqayıt”la görüşdə zədələnərək əvəzlənən Aksel Nqandonun müalicəsi isə davam edir. 

Qeyd edək ki, aprelin 5-də keçiriləcək “Araz-Naxçıvan” – “Kəpəz” oyunu saat 20:00-da başlayacaq.